We have 446 guests and no members online

UOK

Makamu wa Rais wa Jamhuri ya Muungano wa Tanzania Mhe. Samia Suluhu Hassan akihutubia wakati wa maadhimisho ya sherehe za mwaka mpya wa Jamhuri ya Watu wa China zilizofanyika kwenye viwanja vya Mnazi Mmoja  jijini Dar es Salaam.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akipokea hundi ya shilingi milioni 70 kutoka kwa  Balozi wa China nchini Mhe. Dk. Lu Youqing iliyotolewa na Taasisi pamoja na Jumuiya ya Wachina wanaoishi Tanzania kuchangia shule ya msingi ya Chato iliyopo mkoani Geita wakati wa maadhimisho ya sherehe za mwaka mpya wa kichina zilizofanyika kwenye viwanja vya Mnazi Mmoja  jijini Dar es Salaam.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na wageni wengine waalikwa pamoja na wasanii waliotumbuiza wakati wa maadhimisho ya sherehe za mwaka mpya wa kichina zilizofanyika kwenye viwanja vya Mnazi Mmoja  jijini Dar es Salaam.

Sehemuya watu waliohudhuria sherehe za mwaka mpya wa Kichina zilizofanyika kwenye viwanja vya Mnazi Mmoja jijini Dar es salaam.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Balozi wa China nchini Mhe. Dk. Lu Youqing wakati wa maadhimisho ya sherehe za mwaka mpya wa Kichina zilizofanyika kwenye viwanja vya Mnazi Mmoja jijini Dar es Salaam

Makamu wa Rais wa Jamhuri ya Muungano wa Tanzania Samia Suluhu Hassan amesema kuwa Tanzania itaendelea kudumisha,kuimarisha na  kuendeleza mahusiano mazuri yaliyopo kati ya Tanzania na China kwa ajili ya manufaa ya wananchi wa pande hizo MBILI.

Makamu wa Rais Samia Suluhu Hassan ametoa kauli hiyo katika viwanja vya Mnazi Mmoja Jijini Dar es Salaam katika sherehe ya maadhimisho ya mwaka mpya wa Kichina hapa nchini sherehe ambazo zimehudhuriwa na mamia ya raia wa China na Tanzania.

Makamu wa Rais Samia Suluhu Hassan amesisitiza kuwa China imekuwa mshirika na mdau mkubwa wa maendeleo hapa nchini na hali hiyo inatokana na mahusiano mema na mazuri yaliyopo kati ya nchi hizi Mbili.

Makamu wa Rais amemhakikishia Balozi wa China hapa nchini Dkt Lu Youqing kuwa serikali ya awamu ya Tano inayoongozwa na Rais wa Jamhuri ya Muungano wa Tanzania Dkt John Pombe Magufuli itakuwa bega kwa bega na serikali ya China hasa katika uimarishaji wa sekta za biashara, utamaduni, elimu, afya  na masuala ya kijeshi kwa ajili ya maslahi na ustawi wa wananchi wa Tanzania na China.

Makamu wa Rais amesisitiza kuwa Tanzania itaendelea kujifunza mambo mengi kutoka China ili kuharakisha shughuli za maendeleo za wananchi kutokana na Taifa la China kupiga hatua kubwa ya kimaendeleo.

Amehimiza ubadilishanaji wa wataalamu kati ya Tanzania na China katika sekta mbalimbali kama hatua ya kuongeza kasi ya maendeleo kwa wananchi nchini.

Kwa Upande wake, Balozi wa China hapa nchini Dkt Lu Youqing amepongeza hatua zinachukuliwa na serikali ya Tanzania katika kupambana na rushwa na ufisadi.

Dkt  Lu Youqing amesema serikali ya China na raia wake wanafurahishwa na hatua hizo kwa sababu zinalenga kuondoa na kukomesha rushwa na ufisadi kwani tabia hizo zikiachwa ziendelee zinachangia kwa kiasi kikubwa kuzorotesha utoaji wa huduma bora na za msingi kwa wananchi.

Akizungumzia mwaka mpya wa Kichina hapa nchini Balozi huyo amesema maadhimisho hayo ni muhimu kwa sababu raia Wachina na Tanzania wanajumuika pamoja katika kubadilisha mawazo na kutakiana heri na mafanikio kwa mwaka 2017.

Balozi huyo wa Tanzania hapa nchini Dkt  Lu Youqing pia amewashukuru wananchi wa Tanzania kwa kujitokeza kwa wingi katika viwanja vya Mnazi Moja katika kusheherekea sikukuu ya Mwaka mpya wa Kichina sherehe ambazo inapambwa na michezo mbalimbali ikiwemo sarakasi na vikundi vya ngoma asili kutoka China na maonyesho.

Katika Maadhimisho hayo, Balozi wa China nchini Tanzania Dkt  Lu Youqing amemkabidhi Makamu wa Rais Samia Suluhu Hassan mfano wa hundi ya shilingi milioni 70 fedha ambazo zitatumika katika ujenzi kwenye shule ya msingi Chato iliyopo mkoani Geita.(P.T)

ZIARA YA MAJALIWA MKOANI NJOMBE

Published in Jamii

NJO

Wanafunzi wa shule ya Sekondari ya Iwawa wilayani  Makete wakimwimbia Waziri mkuu, Kassim Majaliwa  wakati alipokwenda shuleni hapo kufungua madarasa   yao Januari 21, 2017.

OG

Waziri Mkuu, Kassim Majaliwa akizungumza na wanafunzi wa Shule ya Sekondari ya Iwawa iliyopo Makete kabla ya kufungua madarasa  ya shule hiyo Januari 20,1, 2017. (Picha na Ofisi ya Waziri Mkuu)

OG 5

Waziri Mkuu, Kassim Majaliwa akiongozana na Mkuu wa Shule ya Sekondari ya Iwawa ya Makete,  Novatus Msivala  kwenda kufungua madarasa  ya shule hiyo Januari 21, 2017. (Picha na Ofisi ya Waziri Mkuu)

OG 3

Waziri Mkuu, Kassim  Majaliwa  akifungua madarasa  ya shule ya Sekondari ya Iwawa  iliyopo Makete Januari 21, 2017.. (Picha na Ofisiya Waziri Mkuu)

NJO 1

Waziri Mkuu, Kassim Majaliwa  na Mkuu wa Mkoa wa Njombe, Christopher Ole Sendeka wakiwa wameketi kwenye madawati ya moja kati ya madarasa mawili mapya yaliyofunguliwa na Waziri Mkuu katika shule ya sekondari ya Iwawa iliyopo Makete Januari 21, 2017.  Katikati ni Mbunge wa Makete, Norman Sigala., (Picha na Ofisi ya  Waziri Mkuu)

OG 2

Waziri Mkuu, Kassim Majaliwa akiongozana na Mkuu wa Mkoa wa Njombe, Christopher Ole  Sendeka (kulia kwake ) na Mwenyekiti wa CCM wa Mkoa wa Njombe, Deo Sanga kukagua maeneo ya shule ya sekondari ya Iwawa wilayani Makete  baada ya kufungua madarasa ya shule hiyo Januari 21, 2017. (Picha na Ofisi ya Waziri Mkuu)

OG 1

Waziri Mkuu, Kassim Majaliwa  akisalimiana na walimu wa shule ya sekondari ya Iwawa iliyopo Makete baada ya kufungua madarasa  ya shule hiyo Januari 21, 2017. (Picha na Ofisi ya Waziri Mkuu)

OG

Waziri Mkuu, Kassim Majaliwa akiwapungia wananchi wa  Njombe wakati alipokagua ujenzi wa hospitali ya rufaa ya mkoa wa Njombe katika eneo la Wikichi katika  Wilaya  ya Njombe Januari 21, 2017. (Picha na Ofisi ya Waziri Mkuu).

NJO

 Wanafunzi wa shule ya Sekondari ya Iwawa wilayani  Makete wakimwimbia Waziri mkuu, Kassim Majaliwa  wakati alipokwenda shuleni hapo kufungua madarasa   yao Januari 21, 2017. (Picha na ofisi  ya Waziri Mkuu

NJO 1

 Waziri Mkuu, Kassim Majaliwa  na Mkuu wa Mkoa wa Njombe, Christopher Ole Sendeka wakiwa wameketi kwenye madawati ya moja kati ya madarasa mawili mapya yaliyofunguliwa na Waziri Mkuu katika shule ya sekondari ya Iwawa iliyopo Makete Januari 21, 2017.  Katikati ni Mbunge wa Makete, Norman Sigala., (Picha na Ofisi ya  Waziri Mkuu)(P.T)

media

Rais wa Rwanda, Paul Kagame aelezea mafanikio yaliyofikiwa na nchi yake katika sekta ya Intaneti kupitia ushirikiano wa sekta binafsi kama mshirika katika uvumbuzi na sera ya uwekezaji ya maendeleo ya kidijitali nchini Rwanda.

Shirika la Umoja wa Mataifa linalohusika na Elimu, Sayansi na Utamaduni (Unesco) limeitaja Rwanda kama moja ya mifano ya mafanikio ya maendeleo katika Intaneti barani Afrika. Rwanda kwa sasa ni moja ya nchi zinazoongoza katika Teknolojia ya Habari na Mawasiliano (ICT) barani Afrika.

Katika Kongamano la Kiuchumi Duniani lililofanyika mjini Davos, nchini Uswisi, kuanzia Januari 17 hadi 20, 2017, Irina Bokova, Mkurugenzi Mkuu wa Shirika la Umoja wa Mataifa linalohusika na Elimu Sayansi na Utamaduni (Unesco) aliitaja Rwanda kama moja ya mifano ya mafanikio katika maendeleo ya intaneti duniani, kwa mujibu wa RFI na Shirika la Habari la Ecofin. Kiongozi huyo alitolea wito nchi nyingi ambazo bado zina kiwango cha chini kwa matumizi ya Intaneti kuiga mfano wa nchi hiyo ya Afrika Mashariki kwa kuungana na kuboresha mazingira ya maisha ya watu bilioni 3.9 ambao bado hawafajafikia hatua hii.

Irina Bokova alikuwa akiongea katika kikao maalum cha Tume kuhusu masafa marefu kwa ajili ya Maendeleo Endelevu, kiliyoandaliwa na Muungano wa Kimataifa kwa ajili ya Mawasiliano, kikao ambacho kilifanyika tarehe 17 Januari 2017. Katika kikao hicho, Rais wa Rwanda Paul Kagame, mmoja wa viongozi wa Tume hiyo, alielezea mafanikio yaliyofikiwa na nchi yake katika sekta ya Intaneti kupitia ushirikiano wa sekta binafsi kama mshirika katika uvumbuzi na sera ya uwekezaji ya maendeleo ya kidijitali nchini Rwanda. Kampuni ya Korea Telecom Networks Rwanda (KTRN), inayotoa huduma ya Intaneti kwa kiwango kikubwa na kwa bei nafuu, na ambayo kwa sasa imeanza kusambaza mitambo yake nchi nzima, imechangia pakubwa katika sekta hiyo.

Katika kata kunakofanyika shughuli za biashara mjini Kigali.

"Ushirikiano wa sekta ya umma na ile ya kibinafsi ni muhimu kwa maendeleo ya teknolojia ya kidijitali, kwa kuzingatia kwamba kutoa huduma ya Intaneti katika maeneo ambapo haipo, inaleta maendeleo makubwa. Kutoa huduma ya Intaneti kwa idadi hii kubwa [ya watu] inachangia mapato. Kama washirika, tuna nafasi ya kutafakari kazi inayovutia bila kujali gharama kubwa ambayo ingeweza kuzorotesha upatikanaji wa huduma hiyo, "alisema Rais Kagame. Alibaini kwamba Rwanda imefikia 30% kwa kutoa huduma ya Intaneti kati ya mwaka 2003 na 2016 kutokana na kushiriki kwa sekta binafsi katika mkakati na mipango ya kitaifa ya maendeleo ya kiteknolojia.

Itafahamika kwamba washirika wakubwa wa KTRN ni Tigo, MTN, Airtel, ISCO, Popconn, ISPA, Tnsp, G-MAX,...

Watumiaji wengi wa Intaneti barani Afrika hutumia simu ya mkononi.

Mwezi Januari mwaka huu Waziri wa Vijana na Teknolojia ya habari na mawasiliano (ICT), alisema Rwanda inalenga kutoa huduma ya 92% ya mtandao wa masafa marefu wa (4G) wenye kasi kubwa mwaka huu.

Jean Philbert Nsengimana, Waziri wa Vijana na Teknolojia wa Habari na Mawasiliano (ICT), aliwaambia waandishi wa habari kwamba nchi hiyo inataka mtandao wa 4G usambazwe katika maeneo ya vijijini, kinyume na kile kinachofanyika leo mjini Kigali.

"tunataka kila Mnyarwanda apate huduma ya Intaneti yenye kasi na yenye kuaminika kwa shughuli zake za kibiasharana shughuli nyingine zinazohitaji Intaneti," Bw Nsengimana alisema.RFI

Picha ya Maggid Mjengwa

Ndugu zangu,

Utajua tu kuwa wewe ni Mtanzania ukianza mambo kama yafuatayo;

1. Kukumbuka matunda na vyakula ambavyo ulipokuwa nyumbani Bongo hata rafiki zako walikuwa hawajui kama ni mpenzi wa vitu hivyo. Mfano, Mtanzania akiwa ughaibuni ataanza kukumbuka mabungo, ukwaju, ubuyu, mapera, kungu na mengine . Ataanza kuzikumbuka mboga kama mlenda wa maboga na nyanya chungu, kisamvu cha nazi na dagaa wa kuungwa kwa mafuta ya mawese...

Hapo utajua kama wewe Mtanzania pale utakaposikia kuna Mtanzania mwenzako anakuja Ulaya Marekani au Asia. Cha kwanza kumuagizia ni vitu kama hivyo!

Ukiona nawe umeanza kutamani hivyo hapo juu, basi, ustie shaka na Utanzania wako. Wewe Ni Mtanzania Halisi!

Je, vingine ni vipi vinavyokusaidia kujua kuwa wewe ni Mtanzania? 
Mwenyekiti wenu nimechokoza mjadala...!

Maggid.(P.T)

Donald Trump ahadi kuirejeshea Marekani hadhi yake

Published in Jamii

media

Katika hotuba yake, Donald Trump ameahadi, kama katika kampeni yake ya uchaguzi "kuifanya Marekani kuwa ni nchi yenye nguvu zaidi. "

Donald Trump ameapishwa Jana Ijumaa, Januari 20 kama rais 45 wa Marekani katika sherehe iliofanyika katika majengo makuu ya Bunge la Congress, Capitol Hill saa 05:46 saa za Washington (sawa na saa 01:46 jioni saa za Afrika ya Mashariki).

Baada ya kufyatua mizinga 21 hewani, Donald Trump alitoa hotuba yake ya kwanza kama rais. Donald Trump ameahadi kuwapa nafasi kubwa wananchi wa Marekani katika madaraka, akisema kuwa wamewasahau kwa muda mrefu sana. "Siku hii ya leo ni yenu na Marekani ni nchi yenu," amesema Obama.

Akiweka mkono wake wa kushoto juu ya Biblia mbili, huku akiinua mkono wake wa kulia, Donald Trump amekula kiapo mbele ya Rais wa Mahakama Kuu John G. Roberts Jr. Na kuwa rasmi rais wa 45 wa Marekani.

Donald Trump ametoa kanuni mbili ambazo zitaongoza sera yake ya siasa "kununua vifaa vya Marekani, kuajiri Mmarekani."

Katika hotuba yake, Donald Trump amesema anajutia kuona Marekani ilitajirisha nchi za nje kwa gharama za Marekani. "Hayo yameshapita," Trump amesema. "Tangu siku hii ya leo, Marekani itapewa kipaumbele sawa na suala la biashara, viwanda, au uhamiaji", amebaini Bw Trump.

Donald Trump amehadi kuimarisha ushirikiano wa zamani na kujenga ushirikiano mpya. "Ugaidi wa Waislamu wenye msimamo mkali utatokomezwa," Bw Trump Ameonya.

Donald Trump, alimaliza hotuba yake kwa maneno haya: "Tutaifanya Marekani kuwa na nguvu zaidi, tutaifanya Marekani kuwa nchi tajiri zaidi, tutaifanya Marekani kurudi kuwa na sifa zake, tutaifanya Marekani kurudi kuwa na usalama wake. Kuifanya upya Marekani kuwa na nguvu “Make America great again”. Hii ilikuwa kauli mbiu ya kampeni yake.

Kabla ya kuapishwa kwa Donald Trump, Jaji wa Mahakama Kuu Clarence Thomas amemuapisha Mike Pence, mgombea mwenza wa Donald Trump, ambaye amekua rasmi makamu wa rais wa Marekani baada ya kuapishwa kwake.

Jackie Evancho, kijana wa miaka 16, amehitimisha sherehe hizo kwa kuimba wimbo wa taifa la Marekani.

Trump amechukua hatamu kutoka kwa Rais Barack Obama saa mbili usiku Afrika Mashariki. Amekula kiapo muda mfupi kabla ya saa mbili saa za Washington.RFI

SIMBU

Kutoka kulia ni kaimu mkurugenzi wa Multchoice tanzania, Baraka Shelukindo, Waziri wa habari, Utamaduni, Michezo na Sanaa, mh, Nape nnauye, mwanariadha wa Tanzania aliyeshinda medali ya dhahab katika mbio za marathon huko nchini India hivi karibuni, Alphonce Simbu na katibu mkuu wa shirikisho la riadha Tanzania “RT” william Gida Budai, wakati wa hafla ya kumpongeza mwanariadha huyoiliyofanyika jana Dar es salaam

Waziri Nape Nnauye akiwa na mwanriadha wa Tanzania Alphonce Simbu, wakati wa hafla ya kumkaribisha mwanariadha huyo

Mwanaridha Alphonce Simbu akiwa na katibu mkuu wa RT, Wilhelm Gidabuday

Meneja uhusiano wa Multchoice, Johnson Mshana akiongea katika hafla ya kumpongeza mwanariadha Alphonce Simbu

Alphonce Simbu akizungumza katika hafla ya kupongezwa baada ya kupata medali ya dhahabu katika mashindano ya mbio za marathon huko nchini India(P.T)

Read more...

Jammeh asema ataondoka madarakani

Published in Jamii

Jammeh alishindwa kwenye uchaguzi na Adama Barrow

Jammeh alishindwa kwenye uchaguzi na Adama Barrow

Kiongozi wa muda mrefu nchini Gambia Yahya Jammeh, anasema kuwa ataondoka madarakani baada ya kukataa kukubali kushindwa.

Katika tangazo kwenye runinga, Jammeh alisema kuwa hakuna haja ya hata tone moja la damu kumwagika.

Taangazo hilo linakuja saa kadha baada ya mazungumzo kati ya bwana Jammeh na wapatanishi wa Afrika Magharibi. Hata hivyo hakuna taarifa zaidi kuhusu yale yayoafikiwa.

Bwana Jammeh alishindwa kwenye uchaguzi wa mwezi Disemba na mrithi wake Adama Barrow tayari amesha apishwa.

Bwana Barrow amekuwa akiishi katika taifa jirani la Senegal kwa siku kadha.

Wanajeshi kutoka nchi za magharibi mwa Afrika ikiwemo Senegal wametumwa nchini Gambia wakitisha kumtimua bwana Jammeh madarakani.

Uamuzi wa bwana Jammeh kuondoka ulikuja kufuatia mazungumzo na marais wa Guinea na Mauritania.BBC

MUS

Na: Frank Shija – MAELEZO

ELIMU bure yaongeza idadi ya udahili wa wanafunzi wa shule za msingi nchini waongezeka kutoka 1,282,000 mwaka 2015 hadi kufikia 1,896,000 mwaka 2016 ambayo ni sawa na ongezeko la asilimia 84.5.

Hayo yamebainishwa na Katibu Mkuu wa Ofisi ya Rais –Tawala za Mikoa na Serikali za Mitaa (TAMISEMI) Mhandisi Mussa Iyombe alipokuwa anaongea katika kipindi cha tunatekeleza kinachoratibiwa na Idara ya Habari – MAELEZO na kurushwa na Televisheni ya Taifa (TBC1) jana jijini Dar es Salaam.

Mhandisi Mussa Iyombe amesema kuwa dhamira ya Serikali nikuhakikisha inatoa huduma bora za kijamii ikiwemo elimu, afya, miundombinu na maji safi.

“Dhamira ya Serikali ni kutoa huduma bora za afya,elimu,maji na miundombinu ndiyo maana Serikali ya Awamu ya Tano ikaja na Sera ya Elimu bure ili kutoa fursa kwa wananchi wake kupata elimu,”alisema Mhandisi Iyombe.

Aidha Muhandisi Iyombe amebainisha kuwa kazi kubwa ya TAMISEMI ni kuratibu na kusimamia Mikoa, Wilaya na Halmashauri katika utoaji wa huduma bora za maendeleo kwa wananchi.

Aliongeza kuwa ili Serikali iweze kutimiza azma yake ya kuwapatia huduma za maendeleo wananchi wake imeweka mfumo dhatibiti wa ukusanyaji wa mapato katika halmashauri nchini ili kuhakikisha fedha inapatika kiwa ajili ya kutekeleza miradi ya maendeleo.

Mhandisi Iyombe amesema kuwa mapato yanayokusanywa na halmashauri nchini ni kwa ajili ya kutoa huduma za kimaendeleo ili wananchi wanufaike.(P.T)

DERO

Waziri Mkuu, Kasim Majaliwa akihutubia mkutano wa hadhara kwenye uwanja wa Mabewani mjini Makete, januari 20, 2017. (Picha na Ofisi ya Waziri Mkuu)(P.T)

NIT

Mkuu wa Chuo cha Taifa cha Usafirishaji (NIT)Prof.Zacharia Mganilwa akimuonesha Naibu Mkurugenzi Mtendaji wa TAZARA Bw. Betram Kiswaga maeneo mbalimbali ya chuo hicho wakati wa kongamano lililowakutanisha wanafunzi waliowahi kusoma katika chuo hicho katika miaka ya nyuma na waliomaliza mwaka ulioisha wa masomo.

NIT 2

Baadhi wa wahitimu na wanafunzi waliowahi kusoma katika Chuo cha Taifa cha Usafirishaji (NIT) wakiwa katika kongamano lililowakutanisha na viongozi wa chuo hicho.

NIT 3

Mkuu wa Chuo cha Taifa cha Usafirishaji (NIT) Prof.Zacharia Mganilwa akiongea na wahitimu na wanafunzi waliowahi kusoma katika Chuo hicho ambapo alisema dhumuni la kuwakutanisha ni kutoa zawadi kwa wahitimu waliofanya vizuri katika masomo yao ikiwa ni lengo la kuongeza ufaulu na kuwa na wanafunzi bora ambao wanaweza kushiriki katika ujenzi wa uchumi wa nchi kwa kutumia elimu waliyoipata kutoka chuoni hapo.

NIT 4

Naibu Mkurugenzi Mtendaji wa TAZARA Bw. Betram Kiswaga akiongea na na wahitimu na wanafunzi waliowahi kusoma katika Chuo hicho ambapo alisema taasisi yake itaendelea kuonesha nia ya kukisaidia chuo hicho ili kiendelee kukua zaidi na kutoa wahitimu bora katika soko la ajira nchini na afrika kwa ujumla.

NIT 7

Baadhi ya wanafunzi waliofanya vizuri katika masomo yao wakipewa zawadi kutoka kwa wadau katika sekta ya usafirishaji nchini.

NIT 9

Dkt. John Layaa kutoka Chuo cha Taifa cha Usafirishaji akitoa mada kuhusu umuhimu wa usafirishaji katika kukuza na kuendeleza uchumi wa nchi wakati wa kongamano la 3 la wanafunzi waliowahi kusoma chuoni hapo, Leo Jijini Dar es Salaam

NIT 10

Mgeni Rasmi Naibu Mkurugenzi Mtendaji wa TAZARA Bw. Betram Kiswaga (Mwenyeshati jeupe)akiwa katika picha ya pamoja na baadhi ya viongozi na wafanyakazi wa Chuo cha Taifa cha Usafirishaji(NIT) na wahitimu waliofanya vizuri katika masomo yao.(P.T)

SITO

Rais wa Jamhuri ya Muungano wa Tanzania Dkt. John Pombe Magufuli  akimuapisha Emanuel Nchimbi kuwa Balozi Nchini Brazili, Ikulu jijini Dar es Salaam.

SITO 1

 Rais wa Jamhuri ya Muungano wa Tanzania Dkt. John Pombe Magufuli akimuapisha Dkt. James Msekela  kuwa Balozi Geneva –Umoja wa Mataifa, Ikulu jijini Dar es Salaam.

SITO 2

 Rais wa Jamhuri ya Muungano wa Tanzania Dkt. John Pombe Magufuli akimuapisha Mbelwa Kairuki kuwa Balozi nchini China, Ikulu jijini Dar es salaam

SITO 3

 Rais wa Jamhuri ya Muungano wa Tanzania Dkt. John Pombe Magufuli akimuapisha George Madafa kuwa Balozi nchini Italia

SITO 4

Rais wa Jamhuri ya Muungano wa Tanzania Dkt. John Pombe Magufuli akimuapisha Profesa Elizabeth Kiondo kuwa Balozi nchini Uturuki

SITO 5

 Rais wa Jamhuri ya Muungano wa Tanzania Dkt. John Pombe Magufuli akimuapisha Fatma Rajab  kuwa balozi nchini Qatar, Ikulu jijini Dar es Salaam.

SITO 6

Mabalozi wateule wakila kiapo cha Uadilifu mara baada ya kuapishwa na Rais Dkt. John Magufuli Ikulu jijini Dar es Salaam. Wakwanza kulia ni Balozi Emanuel Nchimbi, Balozi Dkt. James Msekela  , Balozi Mbelwa Kairuki, Balozi George Madafa, Balozi Prof. Elizabeth Kiondo na Balozi Fatma Rajab 

SITO 7

 Rais wa Jamhuri ya Muungano wa Tanzania Dkt. John Pombe Magufuli akiwa na Makamu wa Rais Samia Suluhu Hassan katika picha ya pamoja na Mabalozi wateule mara baada ya kuwaapisha Ikulu jijini Dar es Salaam.

SITO 8

 Rais wa Jamhuri ya Muungano wa Tanzania Dkt. John Pombe Magufuli akizungumza na Mabalozi mbalimbali aliowaapisha Ikulu jijini Dar es Salaam.PICHA NA IKULU(P.T)

DUO

 Spika wa Bunge la Jamhuri ya Muungano wa Tanzania Mhe. Job Yustino Ndugai (Mb) akimkaribisha Balozi wa Jamhuri ya Kiislam ya Iran Nchini Tanzania Mhe. Mohammad Dehghani aliefika Ofisini kwake Dodoma kwa ajili ya kuwasilisha salaam na mualiko rasmi kutoka kwa Spika wa Bunge la Jamhuri ya Kiislam ya Iran ukimualika Mheshimiwa Ndugai kutembelea Bunge la Iran kwa lengo la kuimarisha uhusiano wa mabunge haya mawili.

DUO 1

Spika wa Bunge la Jamhuri ya Muungano wa Tanzania Mhe. Job Yustino Ndugai (Mb) akizungumza na Balozi wa Jamhuri ya Kiislam ya Iran Nchini Tanzania Mhe. Mohammad Dehghani aliefika Ofisini kwake Dodoma kwa ajili ya kuwasilisha salaam na mualiko rasmi kutoka kwa Spika wa Bunge la Jamhuri ya Kiislam ya Iran ukimualika Mheshimiwa Ndugai kutembelea Bunge la Iran kwa lengo la kuimarisha uhusiano wa mabunge haya mawili.

DUO 3

 Spika wa Bunge la Jamhuri ya Muungano wa Tanzania Mhe. Job Yustino Ndugai (Mb) akizungumza na Balozi wa Jamhuri ya Kiislam ya Iran Nchini Tanzania Mhe. Mohammad Dehghani aliefika Ofisini kwake Dodoma kwa ajili ya kuwasilisha salaam na mualiko rasmi kutoka kwa Spika wa Bunge la Jamhuri ya Kiislam ya Iran ukimualika Mheshimiwa Ndugai kutembelea Bunge la Iran kwa lengo la kuimarisha uhusiano wa mabunge haya mawili.

DUO 2

Spika wa Bunge la Jamhuri ya Muungano wa Tanzania Mhe. Job Yustino Ndugai (Mb) akipokea mwaliko kutoka kwa Spika wa Bunge la Jamhuri ya Kiislam ya Iran uliowasilishwa na Balozi wa Jamhuri ya Kiislam ya Iran Nchini Tanzania Mhe. Mohammad Dehghani kutembelea Bunge la Iran kwa lengo la kuimarisha uhusiano wa mabunge haya mawili .Picha na Owen Mwandumbya, Bunge.

Na Owen Mwandumbya, Bunge

Spika wa Bunge la Jamhuri ya Muungano wa Tanzania Mhe. Job Yustino Ndugai (Mb) amesema Bunge la Tanzania litaendelea kudumisha mahusiano yaliyopo na Bunge Irani ili kubadilishana uzoefu katika maeneo mbalimbali.

Mhe. Ndugai ameyasema hayo Mjini Dodoma leo alipokutana na Balozi wa Jamhuri ya Kiislam ya Iran Nchini Tanzania Mhe. Mohammad Dehghani aliefika Ofisini kwake Dodoma kwa ajili ya kuwasilisha salaam na mualiko rasmi kutoka kwa Spika wa Bunge la Jamhuri ya Kiislam ya Iran ukimualika Mheshimiwa ndugai kutembelea Bunge la Iran kwa lengo likiwa ni kuimarisha uhusiano wa nchi zetu mbili.

Nashukuru kwa Salaam hizi kutoka kwa Spika wa Bunge la Iran na naahidi kuzifikisha salaam hizi kwa Waheshimiwa Wabunge na pia Ofisi yangu itatolea taarifa juu ya mwaliko huu na kujipanga kutembelea Bunge la Irani kwa kadri muda utakavyoruhusu.  Alisema Mhe. Ndugai

Pamoja na mwaliko huo wa Kibunge kutoka kwa Spika wa Bunge la Iran, Balozi huyo Irani pia alitumia fursa hiyo kuwasilisha ombi la Rais wa Iran Mhe. Hassan Rouhani la kumwalika Mhe. Ndugai ili  aweze pia kuhudhuria Mkutano wa Kimataifa wa kusaidia kutatua mgogoro wa muda mrefu kati ya Palestina na Israel uliopangwa   kufanyika tarehe 22 Februari, 2017 Jijini Tehran jambo ambalo pia aliahidi kulitolea majibu hivi karibuni.

Akizungumzia namna ya kuimarisha mahusiano ya Mabunge haya mawili, Mhe. Ndugai alisisitiza umuhimu wa kuanzisha Chama Rafiki cha Kibunge (Parliamentary Friendship Group) baina ya Bunge la Tanzania na Bunge la Iran kwa kuwa kitasaidia sana Wabunge wa Mabunge yote mawili kubadilishana uzoefu na kuimaisha uhusiano uliodumu kwa muda mrefu baina ya Tanzania na Iran.

Kwa upande wa Mhe. Mohammad Dehghani aliipongeza Tanzania kwa kuendelea kuimarisha demokrasia ambayo kwa kiasi kikubwa nchi yake ya Iran imekuwa ikithamini na kuheshimu misingi imara iliyowekwa na Baba wa Taifa Hayati Mwl. Julius Kambarage Nyerere.

Nchi yenu imekuwa na historia kubwa sana ya kimahusiano na Iran, pamoja na mambo yote napongeza sana jitihada mnazozichukua kuimarisha demokrasia ikiwa ni pamoja na kuongeza idadi ya Wabunge wanawake Bungeni na nimatumaini yetu kuwa mtayafikia malengo mliyojiwekea ya kufikia idadi ya 50 kwa 50. Alisema Bolozi Dehghani

Awali, akimkaribisha mgeni wake, Mhe. Ndugai alimshukuru Mhe. Balozi kwa kutenga muda na kusafiri kutoka Jijini Dar es Salaam kuja Dodoma ambapo pia alitumia nafasi hiyo kumpa pole Mhe. Balozi kwa matukio mawili makubwa yaliyoikumba nchi ya Iran hivi karibuni.

“Mhe. Balozi, kabla ya yote kwa niaba ya Bunge la Tanzania natoa pole kwa msiba mkubwa wa kifo cha Rais wa Nne wa Iran Hayati Akbar Hashemi Rafsanjani kilichotokea taehe 08 Januari, 2017 na pili ni tukio la kuanguka kwa jengo kubwa la kibiashara Jijini Tehran lililosababisha vifo vya watu ishirini (20) na majeruhi zaidi ya 200, tarehe 19 Januari, 2017”. Alisema Mhe. Ndugai

Aidha Mhe. Ndugai alitumia fursa hiyo pia kumshawishi Mhe. Mohammad Dehghani kuanza kufikiria kuhamia Dodoma kwani miundombinu ipo na Ardhi inatosha kabisa kuuwezesha Ubalozi wa Irani kujenga Ofisi na kuendesha shughuli kutokea Dodoma. (P.T)

UKO

Waziri wa Afya , Maendeleo ya Jamii, Jinsia, Wazee na Watoto Ummy Mwalimu akiongea na wadau wa Baraza la Baraza la Wakunga hawapo pichani wakati wa kuzindua mradi wa Mkunga Okoa Maisha kwa kushirikiana na watu wa Canada.

UKO 1

Waziri wa Afya , Maendeleo ya Jamii, Jinsia, Wazee na Watoto Ummy Mwalimu katikati akikata utepe kuashiria kuzindua  mradi wa Mkunga Okoa Maisha , wa kwanza kushoto ni Balozi wa Canada  Bi. Susan Steffan na wakawnza kulia ni Katibu Mkuu wa Baraza la Wakunga nchini Dkt. Sebalda Leshabari.

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu ametoa agizo kwa viongozi wote nchini kuacha mara moja kuwakamata wauguzi,  wakunga na kuwaweka ndani na badala yake wanapaswa kufuata taratibu zilizopo.

Akizungumza  hayo wakati wa uzinduzi wa mradi wa Mkunga Okoa Maisha Waziri wa Afya Maendeleo ya Jamii, Jinsia, Wazee na Watoto  Ummy Mwalimu  alisema wakunga wanalo baraza ambako ndilo suluhishi la matatizo yao.

“Aidha Mhe. Ummy amesema kuwa pale ambapo muuguzi au mkunga anapokosea  zipo taratibu za kufuata na siyo kumweka ndani kwani kuna Baraza la Wakunga ambalo lina Mamlaka ya kisheria za kuchukua kwa mkunga yoyote ambaye amekwenda kinyume.

“Tunao Wakunga na wauguzi ambao wanafanya kazi zaidi ya masaa, tumeona kilichotokea Sikonge, kiongozi anakuja juu kwanini mtoto amepewa dawa ya Quinn,” alisema Ummy.

Kwa upande wake Katibu Mkuu wa Baraza la Wakunga nchini Dkt. Sebalda Leshabari amesema kuwa mradi huo unalenga  kupunguza vifo katika Mikoa ya Shinyanga na Simiyu hivyo wauguzi na wakunga ni vema wakashirikiana na Baraza hilo ili kufanikisha malengo yao.

  WIZARA YA AFYA.(P.T)

WAWAKILISHI WA UNEP WAKUTANA NA WAZIRI MAKAMBA

Published in Jamii

Waziri wa Nchi Ofisi ya Makamu wa Rais- Muungano na Mazingira Mh. January Makamba akisikiliza kwa makini Wawakilishi kutoka Shirikia La Umoja wa Mataifa linalohusika na Mazingira (UNEP) waliokuja kumtembelea Ofisini kwake mtaa wa Luthuli jijini Dar es Salaam.

Waziri wa Nchi Ofisi ya Makamu wa Rais- Muungano na Mazingira Mh. January Makamba akiwa katika mazungumzo na Wawakilishi wa Shirikia La Umoja wa Mataifa linalohusika na Mazingira (UNEP) pamoja na Katibu Mkuu wa Ofisi ya Makamu wa Rais, Profesa Faustine Kamuzora mapema hii leo.(P.T)

SACCOS YA POLISI YAJIVUNIA MAFANIKIO YA MIAKA KUMI

Published in Jamii

Mwenyekiti wa bodi ya chama cha ushirika cha kuweka akiba na kukopa cha Usalama wa Raia Saccos (URA SACCOS LTD) Kamishna wa Jeshi la Zimamoto na Uokoaji (CGF) Thobias E.M. Andengenye (aliyesimama) akitoa neno mbele ya wajumbe wa mkutano mkuu wa  nane (hawapo pichani) wakati wa ufunguzi wa mkutano huo mkoani morogoro jana kulia ni Kaimu Mrajis wa vyama vya Ushirika nchini Bwana Tito Haule, anayefuata ni Makamu Mwenyekiti Kamishna Albert M. Nyamhanga na Kaimu kamanda wa Polisi mkoa wa Morogoro, (ACP) Leonce Rwegasila.

Wajumbe wa mkutano mkuu wa nane wa chama cha ushirika cha kuweka akiba na kukopa cha Usalama wa Raia Saccos (URA SACCOS LTD), wakifuatilia hotuba ya mgeni rasmi wa mkutano huo Kaimu Mrajis wa vyama vya ushirika nchini Bwana Tito Haule, (hayupo pichani) wakati wa ufunguzi wa mkutano huo uliofanyika jana mkoani Morogoro.

Kaimu Mrajis wa vyama vya ushirika nchini Bwana Tito Haule, pamoja na viongozi wa bodi na wajumbe wa chama cha ushirika cha kuweka akiba na kukopa cha Usalama wa Raia Saccos (URA SACCOS LTD) wakiwa katika picha ya pamoja mara baada ya ufunguzi wa mkutano mkuu wa nane uliofanyika jana mkoani morogoro. (Picha zote na Demetrius Njimbwi – Jeshi la Polisi)

Na Demetrius Njimbwi – Jeshi la Polisi Morogoro

Chama cha ushirika cha kuweka akiba na kukopa cha Usalama wa Raia Saccos (URA SACCOS LTD), kimeendelea kujizolea mafanikio makubwa kwa muda wa miaka kumi toka kuanzishwa kwake huku kikijivunia kukopesha wanachama wake jumla ya fedha taslimu bilioni 113.7

Hayo yamethibitishwa na kaimu Mrajis wa vyama vya ushirika nchini Bwana Tito Haule, wakatia akifungua mkutano mkuu wa nane wa Usalama wa Raia Saccos (URA SACCOS LTD), uliofanyika jana mkoani Morogoro huku ukiwakutanisha wajumbe na wawakilishi 172 kutoka mikoa mbalimbali hapa nchini.

Bwana Haule, alisema kuwa,  mbali na mafanikio makubwa kupatikana pamoja na ongezeko la akiba na amana zenye thamani ya bilioni 23.095  kutokana na ubunifu wa kujenga mtaji wa ndani pia amewaasa viongozi na watendaji kuwa waadilifu na waaminifu ili kufikia malengo makuu yaliyotokana na maadhimio ya vikao vilivyopita.

Aidha, kwa upande wake Mwenyekiti wa Bodi ya Usalama wa Raia Saccos Kamishna Jenerali wa Zimamoto na Uokoaji (CGF) Thobias E.M. Andengenye, alisema kuwa, usalama wa Raia Saccos (URA SACCOS LTD),  itaendelea kutoa elimu kwa wanachama wake wote na kuendelea kujenga mtaji wa ndani kwa kununua hisa na kuweka akiba pamoja na kurejesha mkopo kwa wakati alisema.

Kamishna Andengenye, ameongeza kuwa, usalama wa Raia Saccos (URA SACCOS LTD),  itaendelea kuwahudumia wanachama wake wote ili kuwapunguzia makali ya maisha na kuwaepusha na mikopo yenye riba na masharti makubwa ili kukuza ustawi na uchumi wao na kwamba wamejipanga katika kuongeza idadi ya wanachama kupitia fursa walizonazo.(P.T)

Karibu Mjengwablog

Video Gallery

Kwa video za matukio mbalimbali yanoyotokea Tanzania.

Smartads