We have 208 guests and no members online

Maji

Kikwete ataka kilimo kutumia teknolojia mpya

Posted On Wednesday, 29 January 2014 05:44 Written by
Rate this item
(0 votes)

kikwete1 243ba

Rais Jakaya Kikwete amesema ili kuhakikisha sekta ya kilimo inapiga hatua lazima ugunduzi wa teknolojia mpya zinazogunduliwa zitumike kwa vitendo. (HM)

Rais Kikwete alisema bila kuviwezesha vituo vya utafiti na kuwatumia wataalamu wengi wa kilimo kama mabwana na mabibishamba, sekta hiyo haitapiga hatua.

Alikuwa akifungua mkutano wa wadau wa kilimo na biashara kutoka nchi mbalimbali za Afrika na Ulaya, jana.

Alisema uhifadhi wa vyakula katika maghala hauridhishi, kutokana na asilimia 30 ya mazao yanayohifadhiwa huharibika jambo ambalo linaweza kuepukika likitafutiwa ufumbuzi.

"Tunatakiwa kutumia ugunduzi wa teknolojia mpya zinazogunduliwa ndani na nje ya nchi kwa vitendo, ili kusaidia kuboresha kilimo nchini jambo ambalo linawezekana tukiamua hasa kwa kushirikiana na wadau wengine," alisema Rais Kikwete.

Alisema wakulima wengi hususan wadogo wanatakiwa kupewa elimu jinsi ya kulima mazao ambayo yanaendana na udongo wa eneo husika, kazi ambayo inatakiwa kufanywa na mabwana na mabibishamba na wadau wa kilimo.

"Pia, rasilimali fedha na watu katika vituo vyetu vya utafiti wa kilimo vinahitaji kuongezewa nguvu, ili kufanya tafiti nyingi na zitakazoweza kusaidia kutatua matatizo," alisema.

yanayowakumba wakulima wengi."

Awali akimkaribisha Rais Kikwete, Waziri wa Kilimo, Chakula na Ushirika, Christopher Chiza alisema aliwataka washiriki wa mkutano huo kujadili jinsi ambavyo wataweza kuwasaidia wakulima wadogo kuondokana na matatizo yanayowakumba kwa kutumia gunduzi za kisasa zinazovumbuliwa. Chanzo: Mwananchi

Read 1046 times

Add comment


Security code
Refresh

Tafuta Habari

Blog Shabihana

Watumishi