We have 247 guests and no members online

Watumishi

Image may contain: one or more people



Ni Profesa Anna Kajumulo Tibaijuka.

Pichani ni Stockholm, 1993.

( Picha ya maktaba, mjengwablog.com)

Maggid.

Posted On Friday, 11 August 2017 19:39

Image may contain: 5 people, people standing and outdoor

Image may contain: 1 person, smiling, hat and closeup

Image may contain: 2 people, people standing, tree, outdoor and nature

Bongo Hapo Zamani:

Kisa Cha Anna Na Ng'ombe Mia Moja Wa Yoweri..

Ndugu zangu,

Nilipoandika habari za Anna Tibaijuka kupitia maudhui ya ' Bongo Hapo Zamani' nilibaini ni wengi walionyesha kiu ya kutaka kujua zaidi habari za Anna Tibaijuka.

Ukweli fikra zetu wanadamu ni rahisi kunasa kwenye mabaya yanayosemwa juu ya mwanadamu mwezetu. Lakini, tunakuwa hatujatenda haki tunaposhindwa kulitafuta hata moja jema lililofanywa na mwanadamu mwenzetu.

Katika hili, ' Milioni Kumi Za Mboga', kauli ya Anna Tibaijuka yumkini haitoi, kwa jamii, taswira halisi ya Anna Tibaijuka, ambaye, kwa baadhi yetu tunaofutilia taarifa, tunajua, kuwa Anna amefanya makubwa yenye faida ya isiyomithilika kwa watu wanyonge na mafukara hususan barani Afrika.

Nimeandika, kuwa nilikutana na Anna mara ya kwanza pale mlangoni mwa ofisi ya Ubalozi wetu Stockholm, Oxytorg gatan 2-4, ni mwaka 1993. Wakati huo, Anna alikuwa akifanya utafiti wake kama mwanafunzi ( PhD) Chuo Kikuu Cha Kilimo , Ultuna, Upssala. Pale Ubalozini ndipo alipofanya kazi mumewe, Wilson, ambaye alikuwa rafiki yangu. Wilson Tibaijuka alikuwa Balozi Kijana na mweledi wa masuala mbali mbali ya Kimataifa na Kitaifa.

Si wengi wenye kujua, kuwa Anna katika wakati huo, alikuwa ni mwanamke mwenye ujasiri wa hata kuthubutu kuanzisha jumuiya huru ya Wanawake- BAWATA . Ni mwaka 1994, enzi za Mzee Mwinyi. Alipata misukosuko, lakini alipambana na akaheshimika hata na Mzee Mwinyi mwenyewe.

Daily News la Julai 26, 1994 linaandika lifuatalo, ambalo ndilo lilipelekea kuanzishwa kwa BAWATA;

" Mama Babro ( Babro Johannson) ameshiriki Semina ' The Role of Women in Mult-party Democracy." 
Ikiwa na maana ya wajibu wa wanawake kwenye demokrasia ya vyama vingi. Matokeo ya semina hiyo imeundwa ' Tanzania Women's Council' ( BAWATA)."

Daily News linazidi kuandika; 
" Semina hiyo imetokana na wazo la Profesa Anna Tibaijuka na iliongozwa na Profesa Anna Tibaijuka.

Hapa tunamwona Anna na Swedish Conection. Kimsingi ni uwezo mkubwa wa Anna kwenye ushawishi na hivyo kuwa na masikio mengi yenye kutaka kumsikiliza, ndani na nje ya mipaka.

Haikuwa ajabu, katika kipindi hicho hicho cha Mzee Mwinyi, Anna akapata kazi yenye heshima ya kuongoza Shirika la Umoja wa Mataifa la Maendeleo ya Makazi - UN-Habitat. Kati ya alama nyingi njema alizoacha nyuma yake kabla ya kuondoka UN- Habitat ni kuboresha maeneo ya makazi ya mafukara kule Kibera, Nairobi, Kenya.

Anna akarudi nyumbani, akagombea na kushinda Ubunge Muleba, akafanywa kuwa Waziri wa Ardhi Nyumba na Maendeleo ya Makazi, hilo la pili liliongezwa na utawala wa JK akitatamani Anna afanye hapa nyumbani kama alivyofanya kimataifa.

Ukweli Anna aliifanya vema kazi yake ya kuboresha mifumo ya ardhi na maendeleo ya makazi.

Naam, Anna alipokea fedha za Rugemarila, hata kama kuna makosa huenda aliyafanya katika taratibu za kupokea, lakini, tuamini si kwa nia ya kuziiba na kuzitumia binafsi. Lakini, Anna huyu huyu mwaka 2012 alipokea pia ng'ombe mia moja wa Yoweri Museveni.

Ni baada ya Anna kufunga safari kwenda Uganda akiwa na viongozi wa vikundi vya wakulima wa mkoa kwenda kujifunza Uganda namna kilimo na ufugaji wa kisasa unavyoweza kuinua hali za wananchi wanyonge.

Ndipo huko kukawa na ratiba ya kutembelea shamba la mifugo la Yoweri. Naye Yoweri akaahidi hapo hapo angeswaga ng'ombe wake mia waende kwa Anna kule Muleba kuwasaidia wananchi wanyonge.

Ng'ombe wale wa Museveni wakapakiwa kwenye Malori na walifika Maruku, Muleba. Kwenye msafara wa ng'ombe wale, Museveni alimtuma mpaka daktari wake wa Ikulu, bingwa wa magonjwa ya mifugo, angozane nao. Huko Muleba ng'ombe wa Museveni wakapokelewa na Anna mwenyewe akiwa na wananchi wa jimbo lake.

Museveni aliswaga mpaka ng'ombe wajawazito, watatu wakazalia njiani.

Pale Maruku idadi ikawa ng'ombe mia moja na ndama watatu!

Naam, Anna is a creative scholar and politician. Ni msomi na mwanasiasa mbunifu.

Tukiambiwa tuseme udhaifu wa Anna tunakumbuka milioni kumi za mboga. Lakini, tukiambiwa tuseme moja tu jema la Anna Kajumulo Tibaijuka, hatutahitaji tochi kumulika wapi pa kulipata.

Wahenga walitwambia; Shilingi ina pande mbili. Busara si kuangalia upande mmoja tu wa shilingi.

Maggid,

Iringa.

 
Posted On Friday, 11 August 2017 19:34

Image may contain: 1 person, smiling, standing, outdoor and nature



Ndugu zangu, 

Mwandishi Daniel Defoe anaandika kwenye simulizi yake ya Robinson Crusoe, juu ya siku ile Crusoe alipokutana na Friday na kuanza kujenga mahusiano.

Kwenye safari zake, Robinson Crusoe alifika kwenye kisiwa cha mbali baharini, kisiwa alichoamini, kuwa hakikukaliwa na kiumbe wa aina ya binadamu. Kwamba alikuwa peke yake kisiwani humo kama mwanadamu, akiwa na mbwa na paka wake.

Kuna siku Robinson Crusoe aliziiona nyayo za mwanadamu. Ndipo baadae akakutana na binadamu huyo. Kwa vile ilikuwa ni siku ya Ijumaa, akaamua kumpa binadamu huyo, mtu mweusi na wa asili ya kisiwa hicho, jina la ' Friday'. 

Nikiwa shule ya Msingi niliisoma simulizi hiyo na miwani iliyomwona Robinson Crusoe kuwa ni shujaa na mtu mkarimu sana aliyemsaidia mwanadamu huyo katika hali ambayo Robinson Crusoe anaisimulia, kuwa ilikuwa dhalili.

Kwenye utu uzima wangu, na kwa kukisoma tena kitabu hicho cha mwandishi Daniel Defoe, na nikiwa na miwani mingine ya kuitazama dunia, namwona mwandishi huyo anavyotusaidia kutambua misingi ya mahusiano yasiyo na mizania ya usawa na haki. Misingi iliyojengwa na wakoloni ' Masters' na wataliwa ' Servants'.

Unajiuliza maswali mengi, ilikuwaje Robinson Crusoe amchagulie jina kiumbe ambaye bila shaka alikuwa na jina lake. Robinson ndinye aliyekwama kwenye kisiwa hicho na kutafuta namna za kuishi kwa kutumia rasilimali za kisiwani humo, lakini, inakuwaje amwonyeshe mwenyeji ' Friday' kuwa ndiye mwenye kuhitaji fadhila za Robinson Crusoe na mwenye kushukuru kulikopitiliza kwa yote aliyotendewa na ' Bwana' wake.

Na kwenye mahusiano yao, tangu mwanzoni kabisa, Robinson Crusoe hakupata kutaja jina lake kwa Friday, bali alijenga misingi ya kutambuliwa na kuitwa ' Master'- Mheshimiwa. 

Robinson Crusoe hakujenga daraja la ' undugu' na wawili hao kuitana ' Ndugu', bali, Robinson Crusoe alijenga ukuta mrefu uliowatenganisha katika ' Ubwana na Utwana'.

Ndugu zangu, 

Ni simulizi ndefu yenye kututaka, sio tu tufikiri, bali tufikiri kwa bidii.

Lakini leo ni Ijumaa! 
It's ' Woza Friday!'- Umkhomboti!
https://www.youtube.com/watch?v=Z07zZeeRZ-o

Posted On Friday, 11 August 2017 19:32

Donald Trump Bedminster National Golf Club in New Jersey 10 August 2017

Trump amesema huenda hajakuwa akiweka ukali wa kutosha akiionya Korea Kaskazini awali

Posted On Friday, 11 August 2017 05:41

media

Katika kituo cha kupigia kura cha Gatundu, nchini Kenya.

Posted On Friday, 11 August 2017 05:39

Pix 1

Waziri wa Habari Utamaduni Sanaa na Michezo Mhe. Dkt. Harrison Mwakyembe akizungumza na Wasanii wa Nyimbo za Injili (hawapo pichani) wakati wa mkutano na wasanii hao kujadili changamoto zinazowakabili na namna ya kutatua changamoto hizo leo Jijini Dar es Salaam.

Posted On Friday, 11 August 2017 05:37

Pix 1

Katibu Mtendaji Bodi ya Filamu Bibi. Joyce Fissoo (kushoto) akipata maelezo kutoka kwa Mkurugenzi  Mkuu wa Barazani Entertainment Bw. John Kalage (Kulia) alipotembelea ofisi hizo leo Jijini Dar es Salaam kwa ajili ya kufunga semina ya mameneja wa usambazaji wa kazi za filamu kutoka mikoa 25 ya Tanzania.

Posted On Friday, 11 August 2017 05:36

Mkuu wa Wilaya ya Bukombe,Josephat Maganga ,na Kiongozi Mkuu wa Mbio za Mwenge wa uhuru Kitaifa Amour Hamad Amour akikabidhiwa Mwenge wa Uhuru kwenye Kijiji cha Nampalahala.

Posted On Friday, 11 August 2017 05:30

1

Rais wa Jamhuri ya Muungano wa Tanzania Dkt. John Pombe Magufuli akisalimiana Rais wa Mashirika ya Kipapa-Vatican, Mhashamu Baba Askofu Protas Rugambwa mara baada ya kuwasili Ikulu jijini Dar es Salaam.

Posted On Friday, 11 August 2017 05:27

JM1

Rais wa Jamhuri ya Muungano wa Tanzania Dkt. John Pombe Magufuli akimlaki Katibu Mkuu wa Jumuiya ya Madola Mhe Patricia Scotland Ikulu jijini Dar es salaam jioni ya leo Agosti 10, 2017

Posted On Friday, 11 August 2017 05:26

Posted On Thursday, 10 August 2017 14:44

DSC_9591

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) alipokuwa akizungumza na  Uongozi wa Wizara ya Elimu na Mafunzo ya Amali,Bodi ya Mikopo ya Elimu ya Juu na Uongozi wa Bodi ya Mikopo ya Elimu ya Juu  katika kikao cha siku moja kilichofanyika leo katika Ukumbi wa Ikulu Mjini Unguja,ambacho kimejadili mambo mbali mbali ya kiutendaji, [Picha na Ikulu.] 10 /08/2017.

Posted On Thursday, 10 August 2017 14:43

bil1

Waziri wa Afya,Maendeleo ya Jamii,Jinsia ,Wazee na Watoto Ummy Mwalimu wa kwanza kushoto akikata utepe kuashiria uzinduzi  wa mpango wa mfumo  wa matumizi  ya kielektroniki katika sekta ya afya  uliofanyika jijini Dar es salaam  katikati ni  Mwenyekiti mwenza wa Bill & Melinda gates foundation,bilionea Bill Gates na kulia ni Waziri wa TAMISEMI Simbachawene.

Posted On Thursday, 10 August 2017 14:40

 Mkuu wa Wilaya ya Mtwara, Evod Mmanda, akizungumza wakati akifungua mafunzo ya siku moja kwa maofisa ugani wa wilaya hiyo mjini hapa leo. Mafunzo hayo yameandaliwa na Tume ya Taifa ya Sayansi na Teknolojia (COSTECH) kupitia Jukwaa la Bioteknolojia kwa Maendeleo ya Kilimo (OFAB). Kutoka kushoto ni Ofisa Kilimo na Umwagiliaji wa Wilaya ya Mtwara, Joseph Tesha, Kaimu Katibu Tawala, Francis Mkuti na Mshauri wa Kilimo Mkoa wa Mtwara, Ally Linjenje.

Posted On Thursday, 10 August 2017 14:37
Page 9 of 2026

Tafuta Habari

Blog Shabihana

Watumishi