We have 206 guests and no members online

Raila Odinga: Ninatafakari uwezekano wa kushiriki uchaguzi

Posted On Friday, 20 October 2017 06:16 Written by
Rate this item
(0 votes)

media

Kiongozi wa muungano wa upinzani nchini Kenya, NASA, Raila Odinga.

Kiongozi wa upinzani nchini Kenya Raila Odinga amesema, anaweza kubadilisha mawazo na kurejea kwenye kinyanganyiro cha kuwania urais iwapo kutakuwa na mazungumzo na kufanyika kwa mageuzi ndani ya Tume ye Uchaguzi.

Odinga ametoa kali hii baada ya kukutana na Mwenyekiti wa Tume ya Uchaguzi jijini Nairobi.

Mkutano huu umekuja baada ya Mwenyekiti wa Tume ya Uchaguzi Wafula Chebukati hapo jana kuomba mazungumzo ya moja kwa moja kati ya rais Uhuru Kenyatta na Raila Odinga.

Hata hivyo, mkutano huo haujafanyika kama ilivyokuwa imepangwa na baada ya Odinga kuzungumza na Mwenyekiti wa Tume ya Uchaguzi, amemwambia kuwa atakutana na rais Kenyatta siku ya Jumatatu.

Uhuru Kenyatta kwa upande wake, akiendelea na kampeni za kisiasa amesema kuwa mazungumzo pekee anayoweza kushiriki ni kuhusu namna Uchaguzi wa wiki ijayo utakavyofanyika kwa amani.

Hii ni dalili kuwa huenda mwafaka usipatikane hivi karibu kuhusu Uchaguzi wa tarehe 26.

Odinga ameitisha maandamano ya nchi nzima siku ya kupiga kura, hali ambayo imeendelea kuzua wasiwasi.

Wachambuzi wa siasa wameendelea kutoa wito wa kufanyika kwa mazungumzo na kuahirsihwa kwa Uchaguzi huu kwa sababu tayaru Mwenyekiti wa Tume ya Uchaguzi amesema, itakuwa ni viumu kuwa na uchaguzi huru na haki katika mazingira haya. Wito kama huu umetolewa na mashirika ya kiraia nchini humo.

Chanzo:RFI

Read 82 times

Add comment


Security code
Refresh

Tafuta Habari

Blog Shabihana

Watumishi