We have 152 guests and no members online

PM MAJALIWA ATAKA MFUMO MPYA WA ELIMU YA JUU NCHINI

Posted On Saturday, 02 December 2017 13:26 Written by
Rate this item
(0 votes)

Waziri Mkuu  Kassimu Majaliwa, amesema kuna haja ya kuangalia upya mfumo wa elimu ya juu nchini, ili kuuboresha uweze kusaidia kutayarisha haraka rasilimali watu walioelimika  zaidi, watakaoliwezesha  taifa kuwa na maendeleo na kufikia uchumi wa kati,ifikapo mwaka 2025.

 Waziri mMkuu, ameyasema huyo wakati akizungumza kwenye kilele cha mahafali ya 33 ya chuo kuu huria cha Tanzania, yaliyofanyika kwenye viwanja vya kanisa katoliki mjini hapa.

“Kwa kuzingatia malengo ya dira ya taifa ya maendeleo na mwelekeo wa serikali awamu ya tano,napenda nisisitize kuwa dira ya utendaji wenu,ijikite katika maeneo yaliyoainishwa chini ya mwamvuli wa kauli mbiu ya chuo-elimu bora na nafuu kwa wote,” alisema.

 Akisisitiza, alisema uchumi wa kati na wa viwanda, hauwezi kufikiwa au kuwa endelevu pasipo kuwa na kiwango cha udahili katika elimu ya juu cha angalau asilimia 23.

“Hivi sasa kiwango cha Tanzania cha udahili katika elimu ya juu ni aslimia nne (4).Kiwango hiki ni kidogo hata kuliko nchi kama Jamhuri ya Kidemokrasia ya Kongo ambao licha ya hali ya vita nchini mwao kwa muda mrefu,wamefikia asilimia saba (7),” alifafanua.

Waziri mkuu huyo, amefafanua zaidi kwa kusema kuwa takwimu zinaonyesha kwamba karibu nchi zote washiriki katika jumuiya ya Afrika mashariki,ukiacha Burundi, zina viwango vya juu zaidi vya udahili katika elimu ya juu ikilinganishwa na cha Tanzania..

Majaliwa amesema kwa mujibu wa sera ya elimu na mafunzo 2014, mfumo wa elimu na mafunzo umetawaliwa na muundo wa kitaaluma wenye dhana ya kuchuja wahitimu kwa kila ngazi, ili kupata wachache wenye uwezo mkubwa katika taaluma.

“Hali hii inatokana na nafasi za elimu na mafunzo ngazi za juu, kuwa chache kadri wanafunzi wanavyohitimu kuanzia ngazi ya elimu ya msingi na  kuendelea. Kwa uhaba wa nafasi za elimu ya juu na ufinyu wa bajeti, ndio unaosababisha kutumia muundo wa kuchuja badala ule wa kutoa fursa  kulingana na uwezo,vipaji na vipawa,”alisema na kuongeza.

“Huu ndio mfumo ambao unahitaji kuhuishwa na mfumo wa elimu huria na masafa kama alivyoelezwa wa waziri wa elimu,sayansi na tekinolojia,kwamba mazingira,vigezo na masharti ya mchakato huu vimeainishwa katika sera ya elimu na mafunzo 2014.”

 Wakati huo huo,waziri mkuu Majaliwa, amesema serikali inaunga mkono azma ya wizara ya elimu, sayansi na teknolojia ya kuanzisha dawati maalum kwa ajili ya kuimarisha mfumo wa elimu huria na masafa.

“Kupitia hafla hii, ninaagiza dawati kama hili lianzishwe pia katika Tume ya vyuo vikuu (TCU) na Baraza la elimu ya ufundi (NACTE), kwa lengo la kuhakikisha kuwa taratibu zao za ithibati zinazingatia na kukidhi matakwa ya viwango vya mfumo wa elimu huria na masafa,” alisema.

Na Nathaniel Limu, Singida

Read 29 times

Add comment


Security code
Refresh

Tafuta Habari

Blog Shabihana

Maji