We have 234 guests and no members online

Polisi auawa Iran, rais Rouhani azungumza

Posted On Tuesday, 02 January 2018 06:19 Written by
Rate this item
(0 votes)

media

Moja ya jengo la serikali likichomwa moto na waandamanaji, Doroud, magharibi mwa Iran.

Hali ya sintofahamu inaendelea nchini Iran siku tano baada ya kuzuka kwa maandamano. Siku ya Jumatatu, Januari 1, 2018, afisa wa polisi aliuawa wakati wa vurugu zinazohusiana na maandamano ya kuipinga serikali. Watu wasiopungua 13 wamepoteza maisha tangu kuzuka kwa maandamano hayo tarehe 28 Desemba2017.

Nyimbo dhidi ya serikali bado zinaendelea kusikika katika mitaa ya Tehran. Jumatatu jioni Januari 1, 2018, uwepo wa polisi katika mitaa mbalimbali haujabadilisha chochote. Makundi kadhaa ya waandamanaji yameendelea kusanyika katikati ya mji mkuu, Tehran.

Mamlaka imeanza kushambulia viongozi wa maandamano hayo. Polisi imwakamata watu kadhaa. Video zilizorushwa kwenye mitandao ya vyombo vya habari vya Iran na mitandao ya kijamii zimethibitisha matukio hayo.

Hassan Rouhani alaani wanaoendesha vurugu Iran

Rais Hassan Rouhani amelaani vurugu zinazoendelea na saa chache baada ya polisi mmoja kuuawa katika mji wa Najafabad, katika mwa nchi. Rais Rouhani amesema serikali yake imeamua "kutatua matatizo ya wananchi," hasa ukosefu wa ajira.

Wakati huo huo rais wa Marekani Donald Trump amewapongeza waandamanaji nchini Iran akisema kuwa wanapaswa kuungwa mkono. Rais Rouhani amemwita rais wa Marekani adui wa taifa lake, ambaye lengo lake ni kuchochea vurugu kwa minajili ya kuuangusha utawala uliopo.

Hayo yakijiri jeshi la mapinduzi nchini humo limeonya kuwa litatumia nguvu dhidi ya waaandamanaji wa upinzani wanaoendelea kujitokeza katika miji

Mkuu wa jeshi hilo ameonya kuwa, waandamanaji sasa wameanza kuimba nyimbo za kisiasa wakichoma moto mali ya umma.

Tayari watu wawili wameuawa na wengine kukamatwa katika makabiliano na polisi huku mtandao wa Intenetiukikatwa na kuzuia mawasiliano ya simu kupitia mitandao ya kijamii.

Haya ndio maanndamano makubwa kuwahi kushuhudiwa nchii Iran tangu mwaka 2009

Chanzo:RFI

Read 42 times

Add comment


Security code
Refresh

Tafuta Habari

Blog Shabihana

Znateli