habari

Makamu wa Rais Awasili Mkoani Songwe Kwa Ziara Ya Siku Tano.

on

Taarifa iliyotumwa jana Julai 21 kwa vyombo vya habari na Ofisi ya Mkuu wa Mkoa wa Songwe, imeeleza kuwa Makamu wa Rais Samia Suluhu Hassan amepokelewa mkoani humo na Mkuu wa Mkoa huo Chiku Galawa, Mkuu wa Mkoa wa Mbeya Amos Makala pamoja na Naibu Waziri wa Habari, Utamaduni Sanaa na Michezo Juliana Shonza na Naibu Waziri wa Maliasili na Utalii Japhet Hasunga na Viongozi wengine wa Chama na Serikali.

Ziara hiyo ya siku tano itajumuisha kufungua kituo cha afya Nanyala na kuweka jiwe la msingi, mradi wa maji wa Iyula.

“Akiwa mkoani Songwe, Makamu wa Rais atakagua na kuhamasisha shughuli mbalimbali za maendeleo ambapo atatembelea Wilaya Tatu za Mkoa huo ambazo ni Mbozi, Momba na Ileje,” imesema taarifa hiyo.

Makamu wa Rais ataanzia ziara yake katika Wilaya ya Mbozi ambapo miongoni mwa shughuli atakazofanya ni pamoja na kukagua na kufungua kituo cha Afya Nanyala, kusalimia wananchi katika eneo la mradi la Nanyala, kuweka jiwe la Msingi katika Mradi wa maji Iyula na kufanya Mkutano wa hadhara katika kijiji cha Iyula.

Makamu wa Rais pia atatembelea Wilaya ya Momba ambapo atakagua na kuzindua kituo cha Afya Tunduma, atakagua shughuli za vikundi vya wajasiriamali Tunduma na kufanya mkutano wa hadhara kuzungumza na wananchi wa Wilaya ya Momba.

Vilevile, Makamu wa Rais atatembelea Wilaya ya Ileje ambapo atapokea taarifa ya shughuli za uhifadhi wa mazingira na upandaji miti na kukagua shughuli za uhifadhi na shamba la miti la Wakala wa Misitu Tanzania lilopo Katengele na baadae kufanya mkutano wa hadhara katika kijiji cha Isoko ambapo atapata fursa ya kuzungumza na wananchi wa Ileje.

About Muhammed Khamis

hosearevocatus9@gmail.com

Recommended for you

Leave a Reply

Your email address will not be published. Required fields are marked *