habari

Mali: Shambulizi Laua Askari Mmoja Na Kujeruhi 20.

on

Nchini Mali maafisa wa usalama wameeleza kuwa shambulizi la roketi na bomu lililotegwa garini limeua Askari mmoja wa kulinda amani nchini humo na kujeruhi wengine kadhaa wa kikosi cha Ufaransa Mjini Timbuktu.

Kulingana taarifa ya wizara ya ulinzi nchini Mali iliyochapishwa katika ukurasa wa Facebook, shambulizi la kigaidi lililenga kambi ya kijeshi ya ufaransa na jeshi la UN nje ya mji wa kaskazini jumamosi mchana.

Washambuliaji wawili waliovalia kama askari wa umoja wa mataifa wakiwa na pikipiki walishambulia kwa maroketi kambi hizo mbili.

Wizara ya ulinzi nchini Mali imesema askari mmoja ndie alipoteza maisha na majeruhi kutoka jeshi la Ufaransa watano wakiwa katika hali mbaya.

Hata hivyo makabiliano yalikwisha jioni na jeshi kudhibiti hali ya usalama huku uchunguzi ukiwa umeanza.

Chanzo kimoja kutoka jeshi la kigeni kimeliambia shirika l ahabari la Ufaransa AFP kuwa shambulizi la jana lilikuwa na kushtukiza mjini timbuktu.

Awali Umoja wa mataifa nao ulitoa tawimu ya waathirika wa shambulizi hili kama ilivyobainishwa na wizara ya ulinzi ya Mali.

About Hosea Revocatus

Studying at Udsm (B.A. in Journalism). Mlimani Radio Presenter and Mlimani Tv Reporter. hosearevocatus9@gmail.com Facebook- Hosea Revocatus.

Leave a Reply

Your email address will not be published. Required fields are marked *